DAKBAYAN SA DAVAO — Mokabat sa 827 ka nagkadaiyang damang ang nasakmit sa Bureau of Customs kuyog ang Environmental Protection Compliance Division (EPCD) miadtong Martes, Septiembre 14, 2021, didto sa Ninoy Aquino International Airport, Central Mail Exchange Center (CMEC).
Ang bagahe gikan pa sa Polland ug gideklara kining mga figurines, ug didto unta paingon sa usa ka residente sa Pasay City, Parañaque City ug sa Batangas.
Apan, nagduda ang Customs inspector hinungdan nga gi-abrihan ug sa ilang pag-abri Nakita nila ang mga gagmayng plastic vials nga dunay mga gapas nga dunay sulod nga mga damang.
Daling gitunok sa Department of Environment and Natural Resources Wildlife Traffic Monitoring Unit (DENR WTMU) ang mga nakompiskang mga damang subay sa Customs Administrative Order No. 10-2020.
Giandam na karon sa DENR ang kaso batok sa mga suspetsadong nagpalusot sa mga damang.
