DAKBAYAN SA DABAW (Hunyo 11) — Siyam ka tao ang patay, samtang duha ang kritikal nga na angol human gidaro sa usa ka wingvan nga nag karga ug mga sinakong bugas ang walo ka mga sakyanan sa kilometer 5, Guadalupe Village, Matina Crossing, alas diyes (10:00) Martes sa buntag, June 11, 2019.
Gibagnos sa triler nga wingvan truck nga dunay plaka number -LXB302 ang walo ka sakyanan, 1. Toyota High Ace Van nga dunay plaka numero -BCN66; 2. KIA Sportage-KEP 343 ; 3 Honda CRV-LGE978 ; 4. Mitsubishi L300-AAG 4913; 5 TMX wid SideCar- 5013LV; 6. Avanza -ZSE 506 ; 7 Susuki AVP- PPI830; 8. Multicab nga may plaka -JFG233, ug kini miresulta sa kamatayon sa siyam ka tawo.
Unom ka lalaki, duha ka babaye ug usa ka dos anyos nga bata ang namatay, samtang adunay pay dha nga kritikal ang kahimtang sa Southern Philippines Medical Center (SPMC).
Nagkalat sa karsada ang mga unod sa mga biktima og misagol sa nagkatag nga mga sinakong bugas ang nagkalat.
Sumala ni Police Colonel Alexander Tagum, Director sa Davao City Police Office, nga gikan sa north bound area ang wingvan nga naglawig sa diversion road ang wing van pa left turn pa-ingon sa Matina Crossing sa dihang nawad-an ug brake hinungdan naharos niini ang unom ka mga sakyanan nga anaa sa maong lugar.
Wala pay gipagawas nga pangalan sa mga namatay ang otoridad lakip na ang mga pangalan sa mga gipangdala sa ospital human naangol samtang anaa na sa kustodiya sa Talomo Police ang driver sa truck, nga posibleng mag atubang og kasong reckless imprudence resulting in multiple homicide, multiple physical injury ug damage to property. – Reeya Nuñez/NewsLine.ph
