DAKBAYAN SA DABAW, Mindanao— Patay ang usa pulis, human gipusil sa iyang mga kauban, tungod kay imbis nga ila kining uwangon sa pagpangulata ug drayber, sila na man himoun ang gipamusil.
Nahitabo ang insidente, alas sais sa gabii, Lunes, Abril 30. 2018.
Sumala sa taho sa Buhangin Pulis, gipusil sa iyang mga kaubang pulis si SPO1 Roger Padayogdog, membro sa Regional Mobile Force Battalion (RMFB), tungod kay iyang gipamusil ang iyang mga kaubanang pulis nga unta mouwang sa iyang pagpamukbok sa usa ka drayber sa traysikol.
Miasoy ang usa ka pulis nga wala magpaila, nga nakadawat sila ug tawag gikan sa usa ka security guard nga nangulata si Padayogdog ug drayber sa trisikel, gawas mismon sa kampo sa buhatan Police Regional Office XI.
Daling miresponde ang kaubang mga pulis, sakay sa Mobile Patrol 346, apan imbis nga maminaw si Padayogdog, iya naman kunong gipamusil ang iyang kauban, gani nabangag pa ang ilang patrol car tungod kay nagpataka na lang kini ug pamusil.
Nagsige ug likay ug mihangyo ang iyang mga kaubang pulis, apan, wala gihapon mo-undang ug mamusil si Payogdog, hinungdan nga napugos sila nga pusilon ang ilang kaubam sa buhat.
Gikamatay ni Padayogdog ang mga igo sa bala sa nagkadaiyang bahin sa iyang lawas.
Gidala pa kini sa Southern Philippine Medical Center, apan nakabsan na siya sa iyang kinabuhi.
Nasayran nga daghan nag mga reklamo sa PRO11, nga nagsige nalang kinig pangulata sa gawas, ug murag wa na kini sa iyang pangisip.
Napalgan sa kapulisan sa bag ni Padayogdog ang napulo (10) ka mga loaded nga magazine sa M16, ug siyam (9) ka loaded magazine sa 9mm ug ang pusil nga iyang gigamit nga usa ka .45 Caliber pistol.-Rey Nuñez/Newsliine.ph
