DAKBAYAN SA OZAMIZ, MINDANAO—PATAY ang usa ka suspetsadong tigpayuhot ug ilegal nga druga, human kini misukol sa kapulisan sa usa ka buy- bust operation, niadtong Mayo 2, banda alas dose sa udto.
Ang biktima nailhang si Reynan Pinuti, legl ang pangidaron, walay trabaho ug nagpuyo sa Barangay Carmen Annex, dinhi sa dakbayan.
Gipadayag ni Police Senior inspector Allan Payla, chief intelligence officer sa Ozamiz-PNP,  nga gilusad nila ang operasyon subay sa kamandunan ni si Police chief inspector Jovie Espeindo, anng hepe sa kapulisam.
matud pa ni Payla,  usa ka sakop sa PNP ang nagpakaaron-ingon nga mopalit og shabu sa suspek ug sa dihang natapos ang transaksyon nakamatikod ang suspek nga polis diay ang iyang gibaligyaan hinungdan nga midali kini og dagan dayong mipabuto sa iyang armas nga .38 kalibreng pistola.
Maayo gani kay wala maigo ang polis. Tungod niadto nahitabo ang ginukdanay. Sa dihang mibalos ang nga operatiba sa PNP ug PDEA naigo ang suspek sa iyang likod sa makaduhang higayon ug usa ka bala ang miigo sa iyang dughan.
Dali nga gidala sa MHARS General Hospital ang suspek aron nga matambalan, apan gideklara ni Dr. Francis Jayson Binayao, nga dead on arrival (DOA) na si Pinuti.
Nakuha sa bulsa ni Pinuti ang upat ka paketeng nga gikatuohang shabu, 11 ka aluminum foil, usa ka disposable lighter ug duha ka 100 peso bill nga marked money.
Nakuha usab sa dapit nahitabuan ang caliber .38 nga pistola, upat ka mga bala ug usa ka basiyo sa bala.
Gidugang ni Payla nga ang suspek wala sa ilang listahan sa mga drug surrenderees apan ilang padayon nga gipanid-an human makadawat og tip nga namaligya kini sa illegal nga droga.
Nasayran nga ang Pinuti, igsoon sa usa ka wanted nga si Bantam Pinuti, nga adunay patong sa ulo nga P250,00., kinsa giingong sakop sa Parojinog’s Group.
Wala mohatag ug pamaahayag sa mga peryodista ang pamilyan ni Pinuti. –Neptalie Batolenio/Newsline.ph
