Espenido mibatig Kalipay ug kasubo sa pagkasikop ni Konsehal Ardot Parojinog

Date:

Share post:

DAKBAYAN SA OZAMIZ  (Mayo 24) — Nagsagul nga kalipay ug kasubo ang gibati ni police chief inspector Jovie Espenido, hepe sa kapulisan dinhi sa Ozamiz sa pagkasikop sa nagtago-tago nga si Ozamiz City Councilor Ricardo Parojinog didto sa Taiwan.

Sa pakighinabe sa membro sa prensa,  gipadayag ni Espenido nga daw sagol ang iyang gibati  sa maong balita “Nalipay ko nga nasubo,” matud pa ni Espenido.

“Number one nalipay ta kay nadakpan siya nga buhi, pero nasubo ta kay buhi, maayo unta kon….sa tanan man gud nga Parojinog siya ang labing noturyos”, saysay niini.

Gidugang ni Espenido nga ang katawhan sa Misamis Occidental,  ingon man sa Ozamiz City mahadlok kon makadungog sa ngalan nga Ardot. Iyang gipasabot nga walay bisan kinsa nga dili mokurog kon si Ardot ang hisgutan.

“Nasulbad ang kaso sa  tulo ka mga Narco politician sa Ozamiz nga ginganlan ni Presidente Rodrigo Duterte,” saysay ni Espenido.

Ang ginganlan ni Duterte nga mga narco politicians naglangkob nila ni Ozamiz City Mayor Reynaldo Parojinog, Sr., nga napatay sa drug raid sa pagpanguna ni Espenido niadtong nakalabayng tuig; Vice-mayor Nova Princes Paroijinog nga nasikop niadtong higayuna ug kasamtangan nga nabilanggo dito sa Camp Crame ug Ardot Parojinog nga nadakpan sa Taiwan kagahapon.

Gumikan niini nagpasalamat si Espenido sa tanan nga mga mihatag og impormasyon sa nahimutangan ni Ardot.

Si Ardot maoy usa sa lider sa Kuratong Baleleng sa Ozamiz nga maoy responsable sa mga robbery hold up sa Metro Manila, Cebu ug uban pang dapit.-Neptalie Batolenio/Newsline.ph

RIZAL MEMORIAL COLLEGEspot_img

Related articles

Shortened FPIC process puts Lumad ancestral lands at risk, rights groups warn

Indigenous leaders, Church groups question NCIP rules allowing faster project approvals, warning that weakened safeguards could expose communities...

Macacua demands courtesy resignations of seven BARMM agency heads

Bangsamoro chief minister cites accountability and improved public service; officials face Nov. 20 deadline or risk being deemed...

44°C heat index forces Zamboanga schools to shift to blended learning

Elementary pupils move to morning classes and afternoon modular lessons as extreme heat threatens child safety and learning...

Escudero draws line: Duterte faces unexplained wealth allegations, not money laundering charge

Senate impeachment court clarifies scope of allegations as prosecution questions relevance of defense financial investigator MANILA  (November 20) —...