DAKBAYAN SA OZAMIZ (Oktobre 9) ––Patay ang usa ka RTC judge human posila sa makadaghang higayon sa wala pa mailing mga suspetsado samtang pauli na ang biktima sa iyang pinuy-anan, alas 4:20 kagahapon sa hapon.
Si Edmundo Pintac, presiding judge sa RTC Branch 15 dinhi, sya ang nagagunit sa kaso sa mga Parojinog.
Sibo sa imbestigasyon sa kapolisan, pauli na si Pintac sa iyang gipuy-an gikan sa korte ug paghidangat niini sa Purok 3, Banadero, Ozamiz City kalit lamang nga gitaparan sa usa ka riding in tandem ang gimanihong sakyanan niini ug giposil sa makadaghang higayon.
Nasayran nga lain grinding in tandem usab ang miposil sa atubangan nga bahin sa sakyanan nga gipaneho ni Pintac.
Basi sa imbestigasyon, gisiguro sa mga suspek nga mapatay sa pintac gumikan kay giabrihan pa ang pultahan sa sakyanan ug gitiwasan sa pagposil ang biktima.
Nakangaangkon og daghang igo pinusilan si Pintac sa iyang likod, dughan ug ulo.
Dali nga mipahilayo ang duha ka riding in tandem sa wala matino nga diriksyon.
Na-recover sa crime scene ang 11 ka basiyo sa kalibre 45 nga pistola.
Nasayran nga wala makuha sa CCTV ang maong hitabo tungod kay naguba ang CCTV sa maong barangay.
Walay escort nga kuyog si Pintac niadtong higayuna tungod kay ang escort /body guard niini kutob lamang sa korte.
Kahinumduman nga si Pintac wala mohatag sa iyang pagtugot sa hangyo sa mga parojinog nga paadtuon ang naprisong Vice Mayor nga si Nova Parojinog sa lubong sa iyang amahan.
Wala pay gipagawas nga pahayag ang kabanay ni Pintac may labot sa maong hitabo. Samtang padayon pa ang gihimo nga imbestigasyon sa kapolisan sa maong hitabo.-Neptalie Batolenio/NewsLine.ph
