DAKBAYAN SA TAGUM (Abril 13) –— Nagtingkagol karon sa prisohan ang sakop sa Dujali Fire Station human kini nadakpan sa usa ka buy-bust operation dkagahapon, Abril 12, alas 3:00 sa buntag.
Gi-aresto si SF01 Rolando Jardenico, 43, residente sa Tagum City ug nagdestino sa Bureau of Fire Protection munisipyo sa Dujali.
Sikop usab ang babayeng kauban ni Jardenico, nga giilang si Sherry Mae Pangawas nga taga Mawab Compostela Valley Province.
GIpalitan ug illegal nga druga si Jardenico sa usa ka sakop sa kapulisan dinhi sa dakbayan ug usa ka sachet sa gituohang shabu sa kantidad nga 12,000 pesos , samtang nakuhaan sab ug laing usa ka sachet ang iyang kauban nga si Pangawas.
Sumala ni Police Brigadier General Marcelo Morales nga usa ka High Value Target si si Jardenico tungod kay usa kini ka empleyado sa gobyerno, ug nagpakita lamang kini nga ang kampanya batok illegal nga druga way ginapili.
Kasong pagsupak sa Republic Act 9165 kun ang Comprehensive Dangerous drugs act of 2002 ang atubangon sa mga suspek.- Reeya Nuñez/NewsLine.ph
