MAKILALA, North Cotabato — Sa kadaghan sa nagkuha sa kuartang pinadala alang sa mga pamilyang nabiktima sa sunod-sunod nga linog, nahutdan ug kuarta ang palawan Pawnshop didto sa Kidapawan kaganina, Domingo Nobiembre 3.
Nagpaabot sa iyang torno, apan napakyas nga si Melchor Bayawan, nahutdan ug cash ang Palawan.
Sa iyang pagpangutana sa kahera, gi-ingnan siya sa nga nahutdan na jud.
“Ni-ingon ang mga staff, karon pa kini nahitabo sa ilang negosyong ginatrabahuan,” saysay ni Melchor.
Gipasabot sa mga kahera nga tiud-tiod na nga sirado ang mga bangko, hinungdan nga dili sila maka-withdraw.
Wala man hinuon nangasuko ang naghulat, ila usab nasabtan ang sitwasyon sa Palawan.
Sukad niadtong Oktobre 29, daghan sa mga bangko ug patigayon sa Kidapawan nanirado tungod sa sunod-sunod nga linog sa maong lugar.-jap/newsline.ph
