DAKBAYAN SA KIDAPAWAN— GI-ARESTO sa operatiba sa Criminal Investigation and Detection Group (CIDG) ug Kidapawan pulis ang usa ka mabdus tungod kuno kay naka dispalko kini ug kapin usa ka milyon sa iyang gitrabahuan.
Sikop si Emie Reponte, supervisor sa usa ka patigayon sa Surallah, South Cotabato, mulupyo sa purok 5, barangay Kalasuyan, ning lungsod.
Kasong qualified theft ang gipasaka batok kang Reponte, ug sumala sa taho, wala nagkadimao ang kuarta nga na-remit niini sa iyang amo, basi sa gihimong ‘audit’ kaniya, ug kini maoy gibasehan sa iyang kanhi amo nga mo-file ug kaso batok kaniya.
Gihimo ang pag-aresto subay sa Warrant of Arrest nga gipagawas ni Judge Vicente T. Peña sa Regional Trial Court Branch 45, didto sa Surallah,
Malinawong miuban si Reponte sa mga otoridad sa dihang gipakita kaniya ang papeles sa korte,
Gimando sa korte ang piansa nga P90,000 alang sa temporaryong kagawasan sa suspe.-Randy Patches
