DAKBAYAN SA DABAW — Usa ka barangay nga aktibo sa kampanya batok sa mga komunistang New Peoples Army (NPA) gipusil patay kagahapon sa buntag Disyembre 14, 2019.
Patay ng miabot sa Robillo Hospital sa Calinan District si Kapitan Fernando Banayao, sa barangay Gumitan, Marilog District. Samtang ang iyang live-in partner nga si Genevive Valenzuela, nga iyang kauban namatay usab pila ka oras human kini miabot sa balay tambalanan,
Sumala sa taho sa Marilog Police, nagsakay si Kapitan ug ang iyang asawa sa motor ,apan pag-abot niini sa Purok Mundo Hill Sitio Quarry Marilog District gipamusil sila sa wala pa mailhing suspetsado.
Sigun sa mga inpormasyon sa kapulisan, aktibo si Banayao sa kampanya batok sa mga rebelde ug mao kini ang anggulo nga gitutukan sa imbistigasyon.
Padayon pang gigukod sa mga sundalong membro sa 3rd IB, 19th IB ug 16th IB ang mga suspetsado.-Jap
