DAKBAYAN SA DABAW — NANGUNA pagtunol sa hinabang sa mga nasunogan ang apo ni Presidente Rodrigo Duterte, niadtong Sabado petsa 15, ning bulan.
Nag apud-apod si Rodrigo “Rigo” Duterte II, ug hinabang didto sa Purok 2, Bryco Compound Barangay 5-A, ug balor P109-milyon nga cash assistance.
Si Rigo ang kinamagulangang anak ni First District Congressman Paolo “Pulong” Duterte.
Tag P5,000 ang gihatag alang sa nanag-iya og balay, samtang tag-P3,000 sa mga nangarkila; ug tag P2,000 alang sa mga nag-abang ug kuarto lang kon borders o bed spacers.
Nahatagan ug hinabang ang 284 ka pamilya ug kini ang ilang gamiton sa pagpatidog sa ilang mga panimalay, samtang ang mga nag renta gihatagan ug kuarta tungod sa nawala nilang kabtangan.
Ang sunog milamoy sa balor P46-milyon nga propedad samtang 2,285 ang nawad-an ug pinuy-anan.-Jiann A. Padillo
