Ang tulo ka butang nga gipangayo sa gobyerno nga ikatabang nato para mahalikay sa Covid-19 sumala ni Mayor Sar Duterte
- Dili magtravel outside Davao.
- Ang angay lang mugawas sa panimalay ang gatrabaho, mupalit ug pagkaon ug tambal, ang magpahospital ug maglabay sa basura.
- Kung ikaw musakay sa pampublikong sakyanan i-observe ang social distancing.
- Kung mejo guot sa jeep mamahimong mugamit ug mask o unsang pwede magamit na makatabon sa baba ug ilong sama sa panyo.
- Regular hand washing with soap and water para mahalikay sa sakit.
Sa pangutana nga andam ba ang siyudad nga mudawat ug daghang kaso sa PUI, kini ang tubag ni Mayor Inday Sara: “We are not ready and I’ve been saying that our health facilities have limitations.”
Busa mamahimo kitang responsable sa atong pagahimuon.
Maminaw kita sa health experts ug dili basta basta mutuo sa fake news.
Dili magpanic ug labaw sa tanan dili maghoarding kay sumala pa ni Mayor gakalas-kalas ramo ug kwarta ug makakuha ramo ug kagaw anang taas na linya-linya ninyo. Sa mga senior citizens hugtanong naghangyo si Mayor Sara na dili usa maggawas sa inyong mga panimalay gawas kung kamo mupalit ug tambal, mutrabaho o magpaospital.
Ginahangyo usab sa city government ang mga mall nga iundang usa ang paghatag ug libre na tan-aw sine sa mga senior citizens para makalikay sa posibilidad na makakuha sa sakit.
Wala usay pagahimuon na tapok-tapok or events sa mga hotel, restaurants ug maski asa na mugunit ug daghang tao.
“Di ko gusto na i-threaten daun nato sila ug closure. Mas maayo na musunod na lang sila sa hangyo sa government kay naa tay seryoso na problema na ginaatubang,” pagklaro ni Mayor Duterte.
Sa kasal ug bunyag, mamahimo gihapon mahitabo ang seremonyas apan iimpose ang social distancing sulod sa simbahan.
Paghuman sa seremonyas manguli na sa mga balay ug wala usay pagabuhaton na reception. Mamahimo lamang kini inig maok na ang kahimtang sa siyudad batok sa Covid-19.
Sa mga mutravel na musulod sa Davao City:
Kinahanglan namo muprovide ug health declaration forms hilabi na sa nagsakay sa pampasahero na sakyanan sama sa bus ug van.
Ang forms ipanghatag na sa operator sa van ug buses ug ilang fill upan while gatravel. Ihulog kini sa box na anaa sa entry points sa dakbayan.
“Mas maau ug dili nalang sila mutravel because it will be inconvinient sa ilaha na part,” sulti ni Mayor Sara.
Duna nay Covid-19 Operation Center ang Davao City na 24 hours.
Kung kamo naay ubo, sip-on, kalintura na 38 degrees pataas, diarrhea ug sore throat, palihug tawag o text sa kani nga mga numero.
- 09175086548 – globe
- 09190711111 – smart
- (082) 2440181- landline
- covidtf@davaocity.gov.ph
Ginahimo kini sa city government para atoang mapugngan ang pagkuyanap sa sakit.
