DAKBAYAN SA DABAW — Papaulion na sa Philippine Overseas Labor Office (POLO) didto sa Riyadh, Kingdom of Saudi Arabia, ang mga Overseas Filipino Workers (OFWs) nga namunit nalang og pagkaon sa basurahan aron makakaon.
Sumala ni Labor Secretary Silvestre Bello nakig-alayon na ang gobierno sa Pilipinas pinaagi sa mga Polo officers sa Riyadh aron ma-istoryahan na ang mga amo sa OFWs para makapauli na ang mga OFWs dinhi sa nasud.
“Patuloy pong nakikipag-ugnayan ang POLO sa Team Time Company at sa Saudi Ministry of Human Resource and Social Development upang maisakatuparan ang pagpapauwi ng mga nasabing manggagawa,” kini sumala sa opisyal nga pahayag sa Philippine Embassy sa Saudi Arabia niadtong Huebes, Hunyo 19.
Tungod sa maong taho, gihatagan na ug pagkaon sa POLO ang mga OFWs nga walay trabaho, samtang ginahikay ang papeles sa ilang pagpauli, sa pinakadaling panahon.
Sumala ni Philippine Ambassador Adnan Alonto, gihikay na nila ang mga exit visa aron makuha na ang mga OFWs. “Amo nang gilihuk ang ilang papeles, nakig-isorya na mi sa mga amo nila, papaulion nalang sila.”
Sa nga video nga nanggawas ug gipang-upload sa mga OFWs, makita nga mga Filipino nga nangaykay ug basura aron makakaon kay nawad-an sila ug trabaho tungod sa coronavirus-19.
Daghang OFW ang naapektuhan tungod kay ang ilang mga kontrata gi-undang sa ilang mga amo, kay nawad-an sab ug trabaho tungod sa epedimya.-Newsline