DAKBAYAN SA DABAW –— Mokabat na sa 196 ka individual ang nadakpan sa Davao City Police Office kay misupak sa liquor ban sukad niadtong Marso hangtud niadtong Hunyo karong tuig.
Sa taho sa gipagawas sa City Information Office, gibutyag niini nga giseryoro sa kapulisan ang kampanya batok sa pagbaligya og ilimnong makahubog ug alcohol .
Ang pagpatuman sa liquor ban ning dakbayan gipangunahan sa Davao City Police Office (DCPO) ug sa Vices Regulation Unit (VRU).
Sumala ni DCPO head Police Colonel Kirby John Kraft mga nagpakabanang lungsoranon ang nagatawag kanila nga dunay nag-inom sa ilang lugar ug miresulta sa ubay-ubay nga pag aresto.
Sa susamang taho, gibutyag ni VRU head Dr. Ashley Lopez, nga ilang gipanid-an ang mga online sellers sa mga ilimnong makahubog kay midagsang kini sukad gipahugtan ang implementasyon sa liquor ban niadtong Abril 6.
“Naa lang gihapon gahig ulo labi na mga alcoholics who desperately find ways to drink to satisfy their cravings,” Lopez said.
Gipagawas pag-usab sa DCPO ang kamanduan kay dili kuno sil amagpanuko ug dakop sa mga malapason.-Newsline gikan sa taho sa CIO