DAKBAYAN SA OZAMIZ — Gipasidan-an karon ni DOH Regional Director 10 Adriano Suba-an ang tanang Authorized Person Outside Residence kon APOR nga gikinahanglang responsabli ug matinud-anon sa ilang kaugalingon subay sa ilang history of travel alang sa pagtuman sa ilang bulohaton subay niining paningkamot sa pakigbatok sa COVID-19.
Gisaysay ni Suba-an nga ang pagkahimong APOR gitugot lamang nga makagawas sa ilang balay ang usa ka individual kay gikinahanglan ang ilang serbisyo sa kasamtangang sitwasyon.
Apan wala kini magpasabot nga dili na lamang mosunod kon unsay angayang himuon nga makahatag sa igong seguridad sa kaugalingong panglawas ug sa pamilya gawas niini, wala magpasabot nga ang usa ka APOR bisan asa na lamang moadto nga dapit agad sa gusto niini.
Kondili gikinahanglan nga mahimong responsabli ug magmatinud-anon kon asa nga lugar ang giadtoan ug kon gikinahanglan nga mangayo og assistance alang sa pagseguro ilabi na kon naka sum-ok sa lugar nga adunay nagpositibo sa COVID-19 gikinahanglan kining motug-an. Giklaro sa Director nga walay exempted sa unsay protocol bisan kon APOR.
Ang pasidaan sa Regional Director migawas human nag postibo sa COVID19 ang usa ka APOR nga taga Banadero sa dihang mipauli sa ilang panimalay apan wala mopailawom sa 14 day mandatory quarantine isip usa ka returning resident. Lima ka adlaw sukad sa iyang pag uli, nagpakita og sintomas sa COVID19 busa gi rapid test ug migawas nga positive hinungdan nga gipailawom gilayon sa RT-PCR Test o swab test ug miresulta nga kini POSITIVE.
Gani hugtanong gibantayan sa Department of Health Region 10 ang asawa sa APOR nga nag positibo usab sa COVID-19. Gipasabot ni Director Suba-an, nga ilang gilataw ang timeline kay dili pa nila actual nga ma determina kon asa gayod nakuha ang virus busa nag positive sa COVID-19. Gidugang pa ni Suba-an nga adunay ebidensiya nga nakita nga ang maong pasyente adunay gitawag og “ locally generated infection” nga mahimong basihanan nga madeklara ang local transmission.
Subay niini, nagpahinumdum ang DOH Regional Director nga kanunayng hinumduman ang term nga BIDA kon Bawal ang walay mask, Isanitize ang mga kamot, Distansiya sa usa ka metro Aksiyon basis sa insakto nga impormasyon. Kahinumduman nga sa pagkakaron ang tibuok Region 10 as of July 20,2020 adunay 246 ka aktibong kaso sa COVId19 .
Napulo ang LSI ug ROF, diin duha taga Bukidnon, duha taga Lanao del Norte, upat taga Misamis Occidental ug duha taga Misamis Oriental May lima usab nga ka Local Transmission cases.
Isa taga Valencia City, Bukidnon, isa taga Lanao del Norte , isa taga Ozamiz City ug duha taga Cagayan de Oro City. Ang tanang nag positibo anaa karon gipahimutang sa nagkadaiyang Temporary Treatment and Monitoring Facilities ( TTMF ) .-Expedita Roxas
