DAKBAYAN SA DABAW — Nagkadaghan na ang ihap sa mga Locally Stranded Individuals (LSIs) nga nasakpan nga misulay ug sulod ning dakbayan nga walay dala nga resulta sa Swab test.
Tungod niini, sila gipangsikop og gibutang sila sa isolation facility.
Una nang gipahibalo ni Mayor Sara Duterte-Carpio sa tanang LSIs nga dinhi padulong o moaagi lang sa dakbayan nga magdala sila ug resulta sa RT PCR (reverse transcription-polymerase chain reaction) kon Swab test nga negatibo sila sa coronavirus-19.
Niadtong Sabado ug Domingo, 54 ka mga LSIs nga nagikan sa nagkalainlaing lugar ug airports ang misulay na usab og sulod.
Sa pagkakaron, mokabat na sa 286 ka LSI ang nasakpan sa TF-Davao sagad taga gawas sa syudad ug ang uban taga Dabaw.
Ang Swab test mao ang pagkuha laway sa tilaok sa tao ug kini ipailawon sa laboatary test aron mahibaw-an kung luwas ba ang usa ka indibidual sa coronavirus-disease.
Dugay nang nanawagan si Duterte-Carpio sa tanang LSI nga moabot ug moagi ning dakbayan kinahanglan nga magdala sa resulta sa ilang RT PCR nga sila negatibo sa coronavirus-19 sila makasulod, apan daghan gihapon ang misulay ug wala nagpakabana niining maong rekisito.
Kadaghanan sa mga nasakpan gikan sa Luzon ug adunay pipila nga moagi lang sa dakayan paingon sa ilang mga lungsod.
Sa 286 ka mga nasakpaan, 149 kanila ang taga Davao samtang ang uban paingon sa nagkalain laing lungsod sa Southern Mindanao.
Ang tanang nasakpan ipailawom sa Swab test, apan, dili sila ang prioridad sa maong testing kay daghan pa ang nauna kanila.
Ang Swab test result ang ginapangayo tungod kay matud sa World Health Organization tungod kay 100porsyento nga tukma ang resulta niini, kumpara sa Rapid Diagnostic Test (RDT) ang 40porsyento ra nga masaligan.
Ang polisiya sa dakbayana alang sa mga molabay lang nga mga LSI, iskortan kini sila paingon sa boundary aron masiguro nga dili na sila maghapit-hapit sa ubang lugar, ug aron malikay ang tanan sa posibleng pagtakud sa kagaw sa Covid-19.
Gipaklaro sa mayor, “Mag hulat gyud sila sa sundo [sa land checkpoint]. Dili sila [ma] priority, because dili sila gikan sa Davao International Airport, mas madugay ang ilahang return.”
Ang tanang moagi sa Davao International Airport, ipailawon sa Covid-19 test.
Ang dawaton lang sa dakbayan mao ang mga LSI nga nag negatibo sa Swab test, og kini usab ang ginapatuman sa Kung nagnegatibo ang resulta sa Swab test ang Civil aviation Authority of the Philippines (CAAP), basi sa hangyo sa Mayor.-Newsline.ph
