LUNGSOD SA KIDAPAWAN-— Gipusil patay sa wala pa mailhing suspek ang hepe sa Philippine National Police sa Lungsod sa Carmen, North Cotabato niadtong Martes sa Buntag, Agosto 25.
Gikondena ni North Cotabato Police Provincial Director, Police Col. Henry Villar ang pagpusil patay kang Carmen PNP Chief Police Major Joan Resurreccion .
Gipusil si Resurreccion samtang naggukod siya ug ang iyang tropa sa mga wala mailhing suspetsadong sa pagpamusil sa Carmen.
Nahitabo ang pagpusil ang hepe didto sa Sitio Quarry, Barangay Tawan tawan, Poblacion Carmen.
Sumala ni Villar manubag sa balaud ang mipusil kang Major Resurreccion, nga usa ka maayong tawo.
Nagbangutan karon ang kapulisan sa Carmen ug sa North Cotabato sa kamatayon ni Resurrecion.-Newsline.ph
