Kawatan nga gigukod sa pulis nahulog sa motor, sikop

Date:

Share post:

DAKBAYAN SA DAVAO— Nagsakay na sa ilang motorsiklo ang tulo (3) ka suspetsadong kawatan bitbit ilang mga kinawat , apan sa dihang gigukod sa mga membro sa Panabo City police ang ilang motor, nahulog ang usa, hinungdan nga nadakpan kini.

Base sa taho sa Panabo PNP, nakadawat sila og report gikan sa usa ka residente sa Purok 11, New Visayas, nga adunay kadudahang lihuk sa mga kalalakin-an nga nakitang nagpaniid sa Quilisadio Subdivion, Brgy New. Visayas, pasado alas 2:00 kaganihang kadlawon, Nobyembre 16, 2021

.Daling miresponde sila si PCpl Expression ug Pat Ruiz kuyog ang Motorcops nga gipangunahan ni PSSg Legarda, ug naabtan pa nila nga nangayo og tabang ang tag-iya sa tindahan nga si Dioscora Pahit Panto, 62-anyos.Matud ni Panto, gilungkab sa tulo ka kawatan ang iyang tindahan pinaagi sa pagsaka sa pader ug daling misibat sakay sa ilang motorsiklo.

Gigukod sa mga pulis ang mga misibat nga mga suspeks, apan, nahulog sa motor ang usa niini ka angkas, nga matud sa pulis nagbitbit pa og pistola.

Ang suspek nailang si Jerry Mambugway Subla, 38-anyos ug residente sa Purok Matinabangun, Brgy. Mabini, Davao De Oro.Nakuha gikan sa suspek ang 1 ka kalibre . 38 nga pistola nga dunay 4 ka bala, 1 ka color violet nga bag nga adunay sulod nga 1 ka kitchen knife, mga sinsilyo.Nakabitbit usab ang dinakpan og 1 ka ream sa Malboro red, ,8 ka ream sa More, 5 ka packs sa Marlboro Blast, 8 packs sa Jackpot, 4 packs sa Chester Field ug 4 packs sa Philip Morris.

Anaa na sa kustodiya sa kapulisan sa Panabo si Subia ug ang iyangmga kinawat gitago na sa PNP aron mahimong eboidensya sa kaso nga isang-at batok kaniya.

Eugene Hinutan
Eugene Hinutan
Eugene Hinutan, took his Mass Communication course at the University of Mindanao. He specializes on community stories
RIZAL MEMORIAL COLLEGEspot_img

Related articles

Banaybanay rises from third-class to First-Class town, opens new development

BANAYBANAY, Davao Oriental (November 18) — Marking a significant milestone in local governance and economic growth, the...

More than 200 protesters held as stalled inquest raises due process concerns

UP students, campus journalists among those detained after anti-Pax Silica rally; families and rights advocates await clarity on...

Loaded gun, knife found in school as 12-year-old surrenders pistol in MisOr

Two pupils allegedly armed themselves to confront school bullies; barangay, police and school authorities investigate how weapons reached...

Japan offers oil storage, but can regional fuel reserves shield Filipinos from price shocks?

Philippine-led stockpiling initiative seeks to protect Asia from supply disruptions, but access, financing and emergency release rules remain...