CAGAYAN DE ORO CITY — Pito ka mga barangay sa distrito uno sa cagayan de oro city ang nakadawat matag usa og bag-ong 4×4 nga rescue vehicles gikan sa lokal nga gobyerno,
Ang pito (7) ka benepisyaryong barangay gilangkuban sa mosunod: Tignapoloan; Tagpangi; Taglimao; Besigan; Pagalungan; Tuburan ug; Tumpagon
Matag unit nagkantidad og kapin kon kulang 11-million pesos gikan sa local disaster funds.
Mismong si mayor klarex uy ang mitunol sa mga rescue vehicles kuyog ang department head sa city disaster risk reduction and management department atul sa usa ka simpleng turnover ceremony.
Sumala ni mayor kalrex uy, bililhon ug daku’g ikatabang sa mga opisyal sa barangay ang pagbaton og rescue vehicles hilabi na sa paghatod sa mga pasyante padulong sa ospital ug pagresponde panahon sa emergency.
Nasayod si uy nga pait ug lisud gyud kung dunay mga pasyante nga magsakit ug magpatabang sa barangay apan dili dayon madala sa opsital tungod kay walay masakyan nga emergency transport vehicle
Kay personal niya kining nasaksihan ug nasinatian kaniadto dihang kapitan pa siya sa barangay.
Gihimo ang seremonya sa pagtunol sa mga rescue vehicles sa city tourism hall kaniadtong Disyembre 28.-Paul T. Palacio