DAKBAYAN SA DAVAO— Aduna nay Gobernador ang Maguindanao del Norte, apan dili si Fatima Ainee Sinsuat, ug kini si Abdulraof “Sammy Gambar” Macacua.
Opisyal nang nanumpa si Macacua isip officer-in-charge sa atubangan ni Presidente Ferdinand “Bongbong” Marcos Jr. kaganinang alas 10:00 sa buntag didto sa Palasyo.
Una nahimong Gobernador, nagsilbi si Macacua isip senior minister sa Bangsamoro Region.
Nagsilbi usab kining hepe sa Moro Islamic Liberation Front Bangsamoro Islamic Armed Forces (MILF-BIAF).
Una niini, gihangyo sa mga mayor sa bag-ong namugna nga Maguindanao del Norte, si PBBM nga magtuboy na og gobernador aron mahuman na ang krisis sa liderato sa nahisgutang probinsya.
Samtang si Mariam Mangundadatu, ang kanhi gobernador sa Maguindanao, gituboy usab nga officer-in-charge sa Maguindanao del Sur.
