DAKBAYAN SA DAVAO — Usa ka batan-ong Medical Technologist ang nabaggaan og usa ka ring van niadtong Martes, Hunyo 27, bandang alas 9:00 sa sa gabii sa Km. 12 MacArthur highway, Barangay Dumoy, Toril District ning dakbayan.
Giila sa kapulisan ang biktima nga si Lyra Martin Marcito, 24 anyos, taga Saliao Esperanza, Sultan Kudarat ug nahimong lisensyadong MedTech niadtong Marso ning kasamtangang tuig.
Gitabunan dayon og puti nga tila sa mga mirescue si Marcito nga nagkulob sa kalsada nga walay nay kinabuhi nga gitabunan lang sa mga tawo og dahon sa saging kay ulan-ulan niadtong taknaa.
Giila usab ang driver sa wing van nga si Renato Maratas Garciano, 51 anyos nga taga-Mangagoy, Bislig, Surigao, del Sur.
Sasay sa drayber sa mga pulis, walay niini mabantayi nga mitabok ang biktima sa dalan tungod kay ulan-ulan dihang nahitabo ang insidente.
Pauli na unta ang biktima dihang nabanggaan kini sa wing van. Sumala ni Police Major Romeo Mapanao junior, Hepe sa Baliok Police Station, nga [auli sa ang biktima sa dihang nahitabo ang aksidente.
Migawas sa imbistigasyon sa kapulisan, nga gi-okupa sa wing van ang inner lane gikan sa Toril paingon sa downtown area.
“Katong truck nag-traverse man to diha padulong downtown area dihang pag-abot niya naigo niya ning pedestrian, daku gyud og injury ni. Diha-diha man dayon na sa wala na siya vital signs.. maybe mga multiple gyud ang damage sa iyang lawas, grabe man gyud,” saysay ni Major Mapanao.
Gihikay na karon ang kasong reckless imprudence resulting to homicide batok ni Graciano.-Paul Palacio
