DAKBAYAN SA DAVAO— Duha ka langyaw nga nagapautang og kuarta ang gipatay sulod sa duha ka adlaw sa nagkadaiyang insidente didto sa Maguindanao ug sa Sultan Kudarat niadtong milabayng adlaw.
Giila sa kapulisan ang Pakistani nga nagapautang mga si Arshad Taraz Khan, gipatay kini niadtong Sabado sa hapon samtang naningil sa iyang kleyente didto sa Barangay Salaman, sa munisipyo sa Lebak, Sultan Kudarat.
Sumala ni Lt. Col. Julius Malcontento, ang hepe sa Lebak municipal police, duha ka bala sa .45 ang ilang nakita sa kugar nga nahitabuan sa insidente. Patay gilayon si Khan,
Sumala ni Malcontento, ila pang giimbistigahan ang kaso.
Kagahapon, Domingo, duha ka armadong lalaki ang nakitang mipusil sa usa ka Indiano nga giilang si Jaspreet Singh.
Gipatay si Singh samtang nagbabay sa lugar kung diin siya maningil sa mga nakautang kaniya didto sa Barangay Damalusay sa munisipyo sa Datu Paglas, sa probinsya sa Maguindanao del Sur sa Bangsamoro region.
Ang probinsya sa Maguindanao ug Maguindanao nagtapad lang.
Sa report sa Maguindanao del Sur Provincial Police Office, nga gisumiti sa buhatan ni Bangsamoro regional police director Brig. Gen. Allan Nobleza,gisaysay niini nga kalit nga gipara sa mga suspeks ang motor ni Singh ug ilang gipamusil, hinungdan sa iyang hinanali nga kamatayon.
Gimanduan n ani Nobleza ang kapulisan sa Datu Paglas Municipal Police Station ug Maguindanao del Sur PPO nga magtinabangay aron masulbad ang kaso.
