DAKBAYAN SA DAVAO — Human sa usa ka buto bandang alas 3:00 sa hapon niadotng Sabdo , Enero 20, nagkabugot ang mga tawo doul sa van nga nakaparking sa Rasay St. Barangay Toril, dinhi sa Dakbayan sa Davao ug nanawag dayon sila og pulis.
Sa dihang gisuta sa mga miembro sa Toril Police precinct, wala nay kinabuhi ang usa ka 27-anyos nga aircraft maintenance.
Ang biktima gitago sa pangalang Josh, residente sa barangay Lizada sa Toril district.
Sumala sa mga nakakita, migawas kini sa van ug mikaon og street food ug sa pagbalik niini sa iyang sakyanan usa ka buto ang ilang nadungog gikan sa sulod sa van.
Sa pakighinabi sa Toril PNP sa asawa sa biktima, gisaysay niini nga duna silay gamay’ng problema ug wala sila nagkasinabot ug nahimong hinungdan sa ilang pagbulag tulo ka adlaw na ang milabay.
Nakita sa mga personahe sa scene of the Crime Operative (SOCO) ang usa ka .9mm nga kalibre sa pistol doul sa lawas sa biktima nga naglingkod sa driver’s seat sa sulod sa van.
Dunay samad pinusilan sa tuo nga basin sa iyang ulo ug anaa pa sa iyang kamot ang pusil sa dihang miabot ang kapulisan.
Naka jersy shorts og puti ug naka green og sapot ang biktima sa sulod sa van sa dihang naabtan kini sa mga pulis.
