DAKBAYAN SA DAVAO—Mopasaka og kaso si Presidente Ferdinand R. Marcos Jr. batok sa mga mangingisda sa China kung makakitag legal nga basehan ang gobyerno sa giingong paggamit nila og cyanide sa pagdaot sa Bajo de Masinloc o sa Scarborough Shoal.
““If we feel that there is enough ground to do so, we will,” saysay sa President sa mga tigbalita sa sideline sa ika-16 nga Ani ng Dangal 2024 kaniadtong Martes dihang gipangutana kung gusto ba niya nga pasakaan og kaso ang mga mangingisda sa China.
Niadtong milabayng semana, gireport sa Bureau of Fisheries and Aquatic Resources (BFAR) nga nakadawat sila og mga taho nga ang mga mangingisda sa China naggamit og cyanide aron “tinuyo nga gub-on ang Bajo de Masinloc aron mapugngan ang mga Filipino nga mangingisda nga mangisda sa lugar.”
Si Presidente Marcos niingon nga nasayod siya sa giingong cyanide fishing sa mga mangingisda sa China base sa mga taho gikan sa BFAR, apan iyang gipasabot nga “mas alarming” ang insidente sa Bajo de Masinloc kay naandan na kini sa kadagatan sa Pilipinas.
Samtang nag-uswag ang kaso, ang National Task Force for the West Philippine Sea (NTF-WPS) mimando sa BFAR sa pagtigom og mga ebidensiya aron suportahan ang ilang mga pangangkon sa giingong cyanide fishing sa mga mangingisda sa China sa Bajo de Masinloc.
