DAKBAYAN SA DAVAO — Nagpahimangno karon ang Bureau of Immigration (BI) sa publiko batok sa mga pekeng websites nga naningil og liboan ka pesos alang sa pag-isyu og eTravel passes.
Sumala ni Immigration deputy spokesperson Melvin Mabulac ang mga biyahedor libreng makaparehistro sa ilang eTravel pass aron masiguro nga legal og saktong eTravel pass ang ilang gunitan.
“Kaya nga po we are ask them if ever po magri-register we go to the official website po sa etravel.gov.ph para dili po kayo maloko. At if ever naa poy magsumbong sa atong cybercrime – imong Cybercrime Investigation Council sa ilang hotline number sa imong hotline 1326. Iyan po ang babala nato sa atong publiko,” matod ni Mabulac. Nagkig alayon na ang Immigration ug ang DICT sa pagpatuman sa balaudaron gukdon ang mg apekeng websites ug patubagon sa balaud ang mga nagpaluyo niini
Nanawagan usab ang Bureau of Immigration sa publiko nga magbinantayon sa mga social media post nga naghanyag og mga trabaho gawas sa nasud tungod kay posible silang mabiktima og human traffficking.
Naobserbahan sa Immigration nga daghang mga social media pages ang naghantag og trabaho, apan daghan usab ang nailad sa mga illegal recruiters ug nahimong biktima sa human trafficking, saysay sa opisyal.
Angayang likayan ang mga hanyag nga group tour labi na kong dili nimo kaila ang imong mga kauban, samtang ang uban nabiktima sa mail order bride.
Gikinahanglan nga makig-alayon sa mga buhatan sa gobierno ug sutaon sa mga mobiahe ang ilang mga dokumento ug ang mga tawo nga naghantag og trabaho kay basin mamahimo kining mitsa sa ilang pait nga dangatan, tambag sa Immigration Bureau.-Jeffrey D. Gutang
