Kuala Lumpur, Malaysia— Paadayong nagpangutana ang katawhan dinhi sa Malaysia nganong nagbangga ang duha sa helikopter nga nagpahigayon og test drive duha ka bag-ong helikopter nga nahitabo sa Lumut Naval Base niadtong Martes, Abril 23.
Nagbangga ang duha ka helikopter sa Royal Malaysian Navy nga miresulta sa pagkamatay sa napulo ka crew niini.
Nahitabo ang bangga samtang nag ensayo ang mga bag-ong helikopter alang sa umaabot nga ikaw 90 nga anibersaryo sa Royal Malaysian Navy.
Mihangyo si Malaysian Defense Minister Datuk Seri Mohamed Khaled Nordin sa katawhan nga hatagan sila og panahon nga maiimbestigahan ang panghitabo.
Sumala ni Khaled maghimo og team ang Malaysian Navy nga mag imbistiga sa kaso aron masuta ang hinungdan sa bangga.
Ang AgustaWestland M503-3 sa Maritime Helicopter Unit (HOM) nga dunay pito ka pasahero nabangga sa hagdanan sa RMN stadium, samtang ang M502-6 Fennec nga dunay tulo ka pasahero nabangga doul sa swimming pool.
Nailhan ang mga pasahero nag sila si Squadron 502 commanding officer Muhamad Amir Mohamad, T. Sivasutan (Squadron 502 pilot), ug Mohd Shahrizan Mohd Termizi (Squadron 502 air quartermaster).
Ang ubang namatay nailhan nga sila si Squadron 503 commanding officer Muhammad Firdaus Ramli; Wan Rezaudeen Kamal Zainal Abidin (Squadron 503 air tactical officer), Mohammad Amirulfaris Mohd Marzukhi, ug Muhammad Faisol Tamadun (Squadron 503 air quartermaster).
Ang tulo ka babaye nga namatay nailhan nga sila si Joanna Felicia Rohna from the RMN air base, Norfarahimi Saedy (West Armada Supply Depot), ug Nor Rahiza Anuar (West Armada Supply Depot).
Ang pito ka mga pasahero sa duha ka helikopter nagpangidaron og 26 hangtud 41 anyos.
