DAKBAYAN SA DAVAO — Usa ka business establishment sa Lanzona Subdivision, Matina Aplaya, Davao City ang gitulis sa nag-inusarang armado bandang alas 11:20 niadtong Biernes sa buntag, Setyembre 27, 2024.
Dali nga girespondihan sa mga pulis ang panghitabo ug nasubay sa imbestigasyon nga ang suspetsado nakasuot og bonnet ug naka half face helmet nga misulod sa F&R Business Center ug miduol sa cashier ug nag inquire kunohay og cash-in sa GCash apan mideklara hinuon kini og holdup ngadto sa cashier nga si alyas “Elvie” nga gitutokan sa wala matino nga baril.
Gitangag sa armado ang halin nga 50,000 pesos, alahas sa chashier sama sa kuwentas ug wedding ring nga nagkantidad sa 28,000 pesos.
Dali nga misibat ang armado sakay sa motorsiklo.
