Dakbayan sa Davao — Nanawagan sa gobierno ang pamilya ni Dafnie Nacalaban, ang overseas Filipino worker nga gipatay sa Kuwait, nga tabangan sila sa pagpangita og hustisya sa iyang kamatayon.
Si Nacalaban, 35 anyos, residente sa Barangay Dansolinon, Cagayan de Oro City, ug inahan sa 14 anyos nga bata, gikatahong nawala niadtong bulan sa Oktobre 2024.
Sumala sa Department of Migrant Workers (DMW), nadiskubrehan ang nadugta niyang lawas niadtong Disyembre 31 sa tabang sa impormasyon nga gipaambit sa igsuon sa gidudahang mipatay kaniya.
Nadakpan na sa otoridad sa Kuwait ang suspek sa kamatayon ni Nacalaban, apan, wala pa kini nganli, matod sa DMW.
Nakurat na lang si Michael Roxanne Nacalaban Linsahan, ang igsoon sa biktima sa iyang ilang nabalitaan nga namatay na ang iyang igsoon.
Regular nga nagatawag si Dafnie sa iyang pamilya, ug katapusan kining nanawag niadtong Oktobre 29, 2024 ug nagbutyag nga mopauli siya sa Cagayan niadtong pasko.
Lima ka tuig nang nanarbaho si Dafnie sa Kuawait.
Sumala ni Si Roxan dili nila masabtan kon nganong gipatay si Dafnie tungod kay maulawon nga igsuon.
Ikapito sa walo ka managsuon si Dafnie.
Gusto sa pamilya ni Dafnie nga ipauli na kini aron ipahiluna doul sa lubong sa iyang ginikanan.
Apan, sumala ni DMW Secretary Hans Cacdac, dili pa ingon ana ka sayon mapapauli ang iyang lawas tungod kay padayon pang giimbistigahan ang iyang kamatayon.
