Gikidnap si Duterte, saysay abogado niini sa ICC

DAKBAYAN SA DAVAO –— Gikidnap  si kanhi president Rodrigo Duterte, mao kini ang gisaysay sa iyang abogado atubangan sa mga hurado sa International Criminal Court (ICC) kagabii, atol sa iyang pagpakita kagahapon Marso 14, 2025 didto sa The Heague, Netherlands.

Sumala sa abogado ni Duterte nga si Salvador Medialdia, gidagit ang iyang kleyente.

“He was summarily transported to The Hague. To lawyers it’s extrajudicial rendition. For less legal minds it’s pure and simple kidnapping,” matod ni Medialdea atol sa pre-trial ni Duterte.

Duha ka adlaw ang milabay, ang tibuok kalibutan nakasaksi sa makauulaw nga paagi diin ang kanhi presidente sa usa ka soberanya nga nasud gipasakay sa usa ka pribadong eroplano ug masulub-on nga gidala ngadto sa Hague. Alang kanamo nga mga abogado, kini matawag nga extrajudicial rendition,saysay sa abogado.

“Gikidnap ang akong  kliyente gihikawan sa tanang legal nga proseso sa nasud sa iyang natawhan, ug kining tanan sa politika,” dugang niini.

Gisultihan ni Medialdea ang korte sa tigulang nga si Duterte, ug gidala sa ospital alang sa obserbasyon ug  niadtong Biyernes sa buntag lang sila nagkita ug walay saktong preparasyon alang sa pag-atubang sa ICC.

Gisaysay  ni  Medialdea nga si Duterte dunay gi-antos nga problemang medical ug mihayangyo nga unta i-oktaba ang pre-trial hearing kagahapon, apan, gibasura kini sa ICC.

Himoun, gitugotan siya ni Presiding Judge Iulia Motoc nga musunod sa proceedings in absentia tungod sa iyang taas nga biahe paingon sa The Hague, ug sa usa ka virtual nga paagi ang iyang pagtambong.

Si Duterte, 79, nagsul-ob og blue sout  ug kurbata ug huyang ang tingog sa pagtubag sa mga pangutana sa huwes sa iyang pagkumpirma sa iyang ngalan ug petsa sa pagkatawo ug sa lugar kung diin siya nahimugso.

Sa isyu sa iyang panglawas, mitubag si  Motoc, nga ang  doktor sa korte adunay opinyon siya haum moatubang ug maayo ang pangisip ni Duterte nga moatubang sa mga hukon.

Gitakda sa Septiyembre 23, 2025, ang sunod nga yugto sa proseso, usa ka pagdungog aron pagkumpirma sa mga kaso.

Si Motoc miingon, “Adunay usa ka hingpit nga pamaagi nga ipadayag padulong sa pagkumpirma sa mga kaso nga makapahimo ni Duterte sa pagpataas sa tanan nga mga butang nga imong gipasaka bahin sa warrant of arrest, bahin sa mga krimen nga nahimo, bahin sa mga kaso ug bisan unsang uban pang mga butang nga may kalabotan sa pagdakop kaniya ug sa mga butang sa hurisdiksyon sa korte.”

“Adunay kay higayon nga buhaton kini sa tibuuk nga mga proseso padulong sa tinuud nga pagkumpirma sa pagdungog sa mga kaso,” dugang sa hukom.

Si Duterte morag katulgon atol samtang naminaw sa proseso, kanunay nga gipiyong ang iyang mga mata sa taas nga panahon.

Apan giingnan ni Motoc si Duterte: “Ang doktor sa korte adunay opinyon nga ikaw hingpit nga nahibal-an sa pangisip ug dunah kapasidad nga moatubang sa kort”. Gitakda sa Septiyembre 23, 2025 ang sunod nga yugto sa proseso, usa ka pagdungog aron pagkumpirma sa mga kaso.