Shabu ug pistola nakuha atol sa drug bust

DAKBAYAN SA DAVAO (Abril 13) —Tulo ang nadakpan sa drug buy bust operation sa PDEA-Davao de Oro nga adunay koordinasyon sa Davao de Oro Police Provincial Mobile Force Company ug Mabini Municipal Police Station.

Subay sa report sa PDEA-XI, gilusad ang operasyon pasado alas 11:00 kagabii, Abril 11, 2025 sa Purok 1A, Barangay Cadunan, Mabini, Davao de Oro diin nadiskubrehan ang giingon sa PDEA nga drug den.

Giila ang mga nadakpan nga sila alyas “Lyca”, 34 anyos, ang gitudlong nag nagdula sa drug den , alyas “Paloy” empleyado sa lugar ug alyas “Una” matud pa bisita.

Unang nakapalit ang poseur buyer nga agent sa PDEA kang alyas “Lycka” og balor 50,000 pesos sa gituohang shabu.

Laing 18 grams sa gituohang shabu ang nasignit atul sa operasyon nga mobalor tanan sa 230,000 pesos apil ang napalit.

Mag atubang usan ang suspek og kasong pagsupak sa Comelec gun ban tungod sa nakitang .45 pistol ug mga bala.