PNP Direktor “Bato” nakuratan sa pagtaas sa iyang sueldo

DAKBAYAN SA DABAW, MINDANAW-— Nakuratan si Philippine National Police  direktor   Ronald “Bato” dela Rosa sa dihang nakit-an niya ang iyang sueldo karong buwana.

Nagtuo man gud daw si  dela Rosa nga  ang gagmayg rangko lang ang makatagamtam sa pagpausbaw sa suhulan nga bag-uhay pa lang gipatuman ni Presidente Rodrigo Duterte.

Sa pakighinabi sa membro sa media atol sa pagtunol sa  60 ka sakyanan sa kapulisan ug unom ka iro didto sa mga bag-ong Valenzuela City, niadtong biernes, Ereno 12, 2018, gibutyag ni dela Rosa nga wa sya magdahum nga maapil sya sa pagtaas sa sueldo sa kapulisan.

Ang mga pulis nga dunay rangko nga PO1  (police office 1)  kaniadto nagdawat lang ug PHP14,834 kada buwan apan sa gipatuman nga pagtaas sa sueldo mokabat na kini sa PHP29,668, tungod sa 100 porsyento  nga pagtaas.

“Ako na karon ang pinakadatu nga opisyal sa kapulisan kong basihan ang among sueldo, Kaniadto modawat ra ko ug PHP67,500  karon nahimo nakining PHP121,500, o adunay 79 porsyento nga pagtaas,” matud pa ni Bato.

Sa pagtaas sa sueldo sa kapulisan, nanghinaut si Bato nga dili na matintal ang mga pulis ug pangilkil sa mga negosyante ug sa katawhan..-Harold V. Pontognan/Newsline.ph