DAKBAYAN SA DAVAO (Hulyo 31)— Usa ka katolikong opispo nga natawo sa Pilipinas ang gi-instalar niadtong Huebes aron mangulo sa Diocese sa Sandhurst sa Australia, og nanawagan sa iyang unang homiliya alang sa gibag-o nga ebanghelisasyon ug “maisugon” nga pagpangulo samtang ang diyosesis nag-atubang sa nagkagamay nga mga kongregasyon ug nagkahuyang nga relasyon sa mga batan-ong Katoliko.
Si Obispo Rene Ramirez, usa ka miyembro sa Rogationist order nga kaniadto nagserbisyo isip auxiliary bishop sa Melbourne, gi-instalar atol sa usa ka Misa sa Sacred Heart Cathedral.
“Giya sa Espiritu, among hatagan og prayoridad ang ebanghelisasyon,” matudni Ramirez. “Kini ang sentro sa misyon sa Simbahan, ang pagtabang sa mga tawo nga madiskobrehan pag-usab ug masinati si Jesukristo.”
Ang misyon manukad sa saktong liderato, “Hugot nga pag-ampo, tininoud nga serbisyo, malidong nga desisyon, ug manubag sa katawhan,” kini ang saad sa obisyo sa mga lider sa simbahan, mga layko ug sa katawhan sa simbahan
Iyang giila nga dili lalim nga pagkambiyo sa usa ka diocese nga adunay kasaysayan nga nagsugod sa 1874.
“Nasayod ako nga ang pagbag-o mahimong makapabalaka,” matud sa obispo. “Atong hatagan og saktong pasidungog ang pagtuo ug mga sakripisyo sa mga nauna kanato. Ilhon usab nato nga ang atong mga kahimtang nausab na. Ang ubang mga komunidad nagkagamay ug ang atong koneksyon sa mga batan-ong henerasyon nagkahuyang.”
Iyang gihangyo angkatawhan nga sabton siya sa mga kabag-ohan sa iyang ministeryo, ug ang uban niini dili magmalampuson.
He asked for patience as the diocese tries new approaches to ministry — some of which, he said, may not succeed.
“Masayop usab ako usahay, naghangyo ako sa inyong pasensya ug pagsabot,” dugang ni Ramirez.
Si Ramirez, kinsa mipuli kang Arsobispo Shane Anthony Mackinlay nga gibalhin sa Arkidiyosesis sa Brisbane sa miaging tuig, gihulagway ang iyang pag-instalar isip sinugdanan sa usa ka duha ka direksyon nga relasyon uban sa mga Katoliko sa diyosesis.
“Karon, gitugyan ko ang akong kaugalingon kanimo isip imong obispo,” ingon niya. “Mianhi ako nga adunay mga paglaum ug mga damgo, apan andam usab nga maminaw ug makakat-on. Kinahanglan nako ang imong mga pag-ampo, ang imong pagkamatinud-anon, ang imong kasinatian, ug ang imong kaandam nga motabang kanako.”
Natawo si Ramirez niadtong Marso 28, 1969, sa Gapan, Nueva Ecija, ug misulod sa kongregasyon sa Rogationist niadtong 1985. Nagtuon siya og pilosopiya sa Adamson University sa Manila ug naordinahan nga pari niadtong Hunyo 26, 1998.
Sa ulahi, nakakuha siya og master’s degree sa educational management sa De La Salle University sa Dasmarinas City ug nagpadayon sa graduate studies sa spirituality ug social communications sa Pontifical Gregorian University sa Roma.
Sa wala pa mobalhin sa parokya, si Ramirez naghupot og mga posisyon sa administratibo ug pormasyon sulod sa iyang orden sa Pilipinas, lakip ang pipila ka tuig nga pagdumala sa social communications office niini ug sa ulahi nangulo sa Rogate Center niini.
Niabot si Ramirez sa Australia isip usa sa mga pioneering missionary sa mga Rogationist didto, ug nahimong pastor sa Holy Family Parish sa kasadpang mga suburb sa Melbourne niadtong 2015.
Mibalhin siya sa Diocese sa Sandhurst niadtong 2023 aron mangulo sa mga parokya sa Shepparton South ug Nagambie sa wala pa siya gitudlo ni Pope Francis nga auxiliary bishop sa Melbourne niadtong Nobyembre 2024. Gikonsagrar siya isip obispo niadtong Pebrero 1, 2025, sa St. Patrick’s Cathedral sa Melbourne.
Gitudlo siya ni Pope Leo XIV nga ikasiyam nga obispo sa Sandhurst niadtong Abril 11.
