DAKBAYAN SA DAVAO (Agosto 7)–Gikompirma sa Department of Foreign Affairs sa Manila kagahapon, Agosto 6, nga nadawat na sa ilang ahensya ang request sa Estados Unidos nga i-extradite si Pastor Apollo Quiboloy aron moatubang sa husay tungod sa child sex trafficking ug fraud didto sa Estados Unidos.
Ang extradition, usa ka legal nga proseso kung diin mohangyo ang usa ka nasud nga dalahon ang usa ka indibidwal sa ilang nasud aron atubangon ang kremin nga iyang giatubang, apan, dili pa kiniang hukom, usa pa lang kini ka legal nga proseso.
Ang mga suspek sa kriminal sa Pilipinas kinahanglan nga mohuman sa ilang mga husay ug moserbisyo sa ilang mga sentensiya kon makonbikto sa dili pa ang ekstradisyon. Bisan pa, ubos sa 1994 extradition treaty tali sa Washington ug Manila, ang mga opisyal sa hustisya sa Pilipinas mahimong mohangyo sa korte sa nasud nga tugotan ang temporaryo nga pagsurender sa usa ka suspek ngadto sa usa ka langyaw nga korte aron atubangon ang husay sa dili pa ang resolusyon sa ilang mga kaso sa Pilipinas.
Si Quiboloy nakuha sa Philippine National Police niadtong Septiembre 8, 2024, tungod sa mga kasong child ug sexual abuse ingon man human trafficking.
Ang Senado sa Pilipinas nagmandu usab ka sa pag pag-aresto kang Quiboloy niadtong panahona tungod sa pagdumili niini sa pagtambong sa mga public hearing bahin sa iyang giingong mga krimen.
Sukad 2024, anaa na si Quiboloy sa bilangguan apan, usahay dalahon kin isa hospital tungod sa ilang pisikal nga kondisyon ug mulo sa panglawas.
Gihimakak ni Quiboloy ang tanang alegasyon nga gipasangil kaniya kay matud sa pastor, ang mga kaso nga iyang gi-atubang puros tumo-tumo og walay kamatuoran ug himimuan sa iyang mga kritiko ug kanhing mga miyembro sa Kingdom of Jesus Christ (KOJC).
Si Quiboloy, 76, nangulo sa KOJC, nga gitukod niadtong 1985 sa Davao sa habagatang Pilipinas ug nag-angkon nga adunay daghang mga sumusunod sa sulod ug gawas sa nasud, lakip ang US.
Si Quiboloy usa ka impluwensyal nga lider sa relihiyon sa Pilipinas ug giisip nga usa ka political kingmaker. Nagserbisyo siya isip spiritual adviser ni kanhi Presidente Rodrigo Duterte, kinsa milingkod sa katungdanan niadtong Hunyo 2016 hangtud tuig 2022.
Niadtong 2021, ang piskal sa pederal sa US nagpahibalo sa usa ka akusasyon kang Quiboloy tungod sa giingong pakighilawas sa mga babaye ug mga menor de edad nga mga babaye nga nag-atubang sa mga hulga sa pag-abuso ug “walay katapusan nga pagkahinukman” gawas kung sila mouyon.
Apan, kining tanan alegasyon, gihimakak sa pastor.
