Pulis gitipi sa suspetsadong adik

DAKBAYAN SA TAGBILARAN, Bohol — Patay ang usa ka pulis human gipusil tumong sa ulo sa susp[etsadong gun for hire  sa Buenavista gym, lungsod sa Buenavista, Bohol kagahapon sa kaadlawon, Pebrero 11, 2018.

Biktima giila nga si SPO1 Alejandro Estorgio, 44 anyos, minyo, sakop sa Buenavista Police Station ug lumulupyo sa barangay Cambus-oc sa maong lungsod.

Nahitabo ang insidente mga 1:10 sa sayong kabuntagon. Samtang  ang nagbantay sa gipahigayon nga disko atol sa kasaulogan sa foundation day sa maong lungsod. Dihang gidul-itan sa pagpusil sa wa mailhing suspetsado.

Naigo ang biktima sa iyang ulo ug patay dihadiha dayon.

Pagkahuman niini, nagkaguliyang ang mga tawo sa maong lugar hinungdan nga wala masakpi ang maong mamumuno.

Si SPO2 Arnold Tayabas sa Buenavista PNP nibutyag sa tigbalita nga sigun sa nakakita nga nagtakuban ang maong suspek.

Ang mga nakasaksi sa panghitabo mihulagway sa suspetsado nga mihaom sa panagway ni Emedio Aparece Jr. ang notadong hired killer ug gitumbok nga most wanted person sa maong lungsod.

Nibutyag si Tayabas nga dili pa nila makumpirma kun si Aparece ba gyud ang maong suspek.

Siya nidason nga malagmit nga giinitan si Estorgio gumikan kay aktibo kini ug daghan ang mga nadakpan sa nalambigit sa ilegal nga druga ug mga wanted person sa ilang dapit.

NAgduda usab ang pulis nga si Aparee lambigit sa ginadili nga drugas.

Si Aparece, 20 anyos, residente sa barangay Putingbato sa maong lungsod kinsa dunay patong nga P200,000 gumikan sa daghang kaso sa pagpatay sa maong dapit, padayong idlas sa mga kamot sa balaud.

Sigun sa mga taho si Aparece layas kini  gikan  sa Mindanao ug gituohang naghupot og anting-anting hinungdan nga dili kini mahadlok nga mopatay.

Mokabat na sa 10 ka mga tawo ang iyang napatay lakip niini ang usa ka barangay kapitan, barangay kagawad ug barangay tanod.

Kasamtangan pang gihimo ang hot pursuit operation sa kapolisan batok sa maong gikatahapan.-Alan Andy N. Dalagan/Newsline.ph