Mga personahe sa City Health Office nag balay balay ug turok sa bakuna kontra Tipdas.-Newsline.ph photo
DAKBAYAN SA DABAW, Mindanao — Naapektuhan ang kampanya kontra tipdas sa isyu kabahin sa Dengvaxia, mga ginikinan nangahadluk na hinuon sa bakuna.
Kini maoy gibutyag sa mga Barangay Health Workers karong buntaga sa dihang gihinabi sa Newsline.ph.
Sayo kaganinang buntag, Pebrero 15, 2018, nagtuyok tuyok ang mga personahe sa City Health Office ug Barangay Health Workers sa barangay Catalunan Grande ning dakbayan, aron palig-onono ang kampanya batuk sa sakit nga tipdas.
Gisaysay ni Evangeline Lapaz, midwife sa City Health Office sa Newsline.ph “Naay mga ginikanan nga dili magpaturok sa bakuna kontra tipdas tungod sa kahadluk sa Dengvaxia, apan amo silang ginapasabot ang lahi ang bakuna sa tipdas kaysa Dengvaxia, naay uban nga makasabot, pero naay sab dili jud mosugot.”
Ang mga trabahante sa City Health Office nagbalay-balay sa kampayan batok tipdas, human usa ka tuig nga bata ang namatay tungod niini dinhi sa barangay.
Matud pa ni Lapaz, sa ilang mga bisita sa mga balay, ilang ginapasabot ang kaayuhan sa bakunan kontra tipdas aron malikay ang mga bata nga nag edad usa hangtud lima katuig sa kadaut.
Mitaas ang listahan sa mga bata nga nagkatipdas karong tuiga, labi na kay ang uban nga dili taga Dabaw didto man sa Southern Philippines Medical Center nagpatambal, rason nga sa tali sa Department of Health milutaw nga mitaas ang kaso sa tipdas sa dakbayan.-ezc/Newsline.ph
