Eroplano nag emergency landing tungod grabeng utot sa pasahero

DAKBAYAN SA DABAW — Dali daling nag emergency landing sa Austria ang eroplano sa Transavia Airlines nga milupad
gikan sa Dubai paingon sa Amsterdam niadtong Pebrero 12, 2018,  tungod sa grabeng pag pangutot sa usa ka tiguwanng nga pasahero niini.

Ang pasahero nga wala nganli sa Transavia, nag sige ug pangutot ug nakabaho sa sulod sa eroplano, nga misampot sa panag away sa mga pasahero.

Matud pa sa taho said De Telegraaf,  bisan pa man nga maayo ang bentilasyon sa eroplano, mihungaw gihapon ang kabaho tungod sa way puas nga pagpangutot sa usa ka pasahero.

Sa pagsige ug pangutot sa pasahero, gikasuko na sa iyang mga kauban, gani pipila na ang naglalis ug nagkagubot na sa sulod sa eroplano.

Sayo niini, mihangyo ang iyang duha ka katapad nga pugngan ang iyang pagpangutot kay sobra na kini kaayo ug baho na jud, apan wala manumbaling ang tiguwang.

Wa sab masayri kung aduna bay gibati sa iyang panglawas ang pasahero, huningdan sa iyang pagsige ug pangutot.

Nagsige na ug warning ang mga stewardees, apan wala gihapoy nahitabo, nag-away na hinuon ang mga pasahero, maong naka desisyon ang kapitan sa eroplano nga mag-emergency landing kini sa Austria.

Sa dihang miabot na ang airport pulis, gipakanaug gilayon ang mga nag-away nga pashero.

Sa taho nga gipagawas sa mantalaan nga De Telegraaf, gibutyag sa tigpamaba sa Transavia, nga gipakanaug nila ang duha ka managsuon nga babaye nga nakig-away sa sulod sa eroplano.

Sigun sa taho sa De Teleggraaf, gipanghimakak sa duha  sa pasangil nga nakig-away sila sa suldo sa eroplano.

Apan matud ni Nora Lacchab, taga Rotterdam, siya ug iyang igsoon walay gihimong salaud ug gani naulawan sila sa pagpakanaug kanila sa eroplano.  Gani nagplano sila nga mopasaka ug kaso batok sa Transavia.

Gani, gikataho nga i-ban sa Transavia ang duha ka  pasahero ug  may plano kining magpasaka ug kaso batok sa duha.-Harold V. Pontongan/Newsline.ph