DAKBAYAN SA DABAW – Kinahanglan atubangon ni Abu Sayyaf sub-leader Abduljihad “Idang” Susukan ang 23 ka mga brutal nga kaso nga gi-akusar kaniya, kini sumala sa Armed Forces of the Philippines (AFP).
Sa pamahayag sa tigpamaba sa AFP nga si Marine Maj. Gen. Edgard Arevalo, gibutyag niini nga “Kinahanglan atubangon ni Susukan ang mga kaso, apil sa 23 ka bug-at nga mga kaso ang 5 ka kidnapping, illegal detention ug unom ka frustrated murder.”
Ang pagtaral sa kaso ni Susukan, matud ni Arevalo, anaa na karon sa kamot sa Department of Justice, ila na kunong itunol ang responsibilidad sa DOJ ang mga kaso ni Susukan.
Sa kasamtangan, ang AFP pinaagi sa Judge Advocate Genera ug sa PNP (Philippine National Police) magpasaka og motion nga ibalhin na ang kustudiya ni Susaukan sa AFP.
Ang hisgutanang amnestiya alang kang Susukan, lahi nga organisasyon sa gobierno ang nadestino nga magdesisyon niana, sumala ni Arevalo.
Gidala na sa Manila si Susukan ug ang iyang asawa niadtong Biernes, human kini naaresto Huebes sa gabii sa balay Moro National Liberation Front Chairman Nur Misuari, Maa ning dakbayan.-Newsline.ph
