DAKBAYAN SA DAVAO— Mag-atubang karon og kasong Reckless Imprudence Resulting to Damage to Property and Disobedience to Agents in Authority, ang actor nga si Jake Cuenca, human niini gibangaan ang sakyanan sa pulis og ang bakal nga harang didto sa Mandaluyong City niadtong Sabado bandang alas 8:30 sa gabii, Oktobre 9, 2021.
Sumala ni Eastern Police District Director Brig. Gen. Matthew Baccay, base sa report nahitabo ang insidente sa Silangan Street, doul sa Pantaleon Street, sa Barangay Barangka Ibaba.
Sumala sa report, naghimo og anti-illegal drug operations ang kapulisan sa lugar sa dihang miagi ang itom nga sports vehicle sa actor ug gibanggaan ang walang bahin sa police car ug ang bakal nga harang.
Gigukod si Cuenca sa kapulisan hangtud naabot sila sa Pasig Area particular sa Shaw Boulevard kung diin gupusil sa pulis ang ligid sa sakyanan ni Cuenca aron kini mahunong.
Apan, naigo sa bala ang usa ka delivery rider nga giilang si Eleazar Maritinito, 43 anyos, nga nagpaayo na karon sa Rizal Medical Center.
Gidala si Cuenca sa Mandaluyong police apan, gibuhian ra gihapon kini sayo sa buntag niadtong Domingo, Oktobre 19, 2021.
Nagpaabot pa ang kapulisan sa resulta sa medical eksaminasyon sa actor.
