DAKBAYAN SA KIDAPAWAN (Septembre 1) — Gipangitana na sa kapulisan ang duha ka tawo nga mipusil patay sa amahan ug mitadtad sa iyang singko (5) nga anak didto sa Barangay Takepan, Pikit, North Cotabato niadtong Biernes, Agosto 31.
Matud pa ni Chief Inspector Romy Castañares, hepe sa Pikit PNP “Among ginatan-aw ang angulo nga personal nga away ug pagpangawat,”
Nagsakay sa iyang motorsiklo si Jomar Gutierrez, 31, kauban ang iyang anak nga babae padulong sa eskuelahan sa bata didto sa Takepan Elementary School, apan , pag abot sa eskuelahan giduol dayon sya sa isa sa mga suspetsado og gipusil sa iyang likod.
Matud pa ni Castañares, nagpaabot ang ga suspetsado atubangan sa eskuelahan ug gipusil ang biktima nga nagtalikod.
Gitusaktusak sa bala ang lawas ni Gutierez ug ang usa ka bala miigo s iyang anak.
Gidala gilayon sa mga silingan ang mga biktima sa Cruzado Medical Clinic sa Poblacion Pikit, apan gideklara si Romy nga patay na pag-abot sa hospital,
Ang iyang anak anaa sa kritikal nga kondisyon.
Midugang si Castañares nga gilabni gilayon sa mga suspetsado ang motorsiklo ni Guitierez sa dihiang nahulog na kini sa iyang motor, ug mipadagan paingon sa Barangay Dalingaoen.
Nakapunit ug upat ka basyo sa bala sa kalibre .45 ang mga imbestigador sa nahitabuan sa krimen.
Aduna na kunoy suspek ang kapulisan, kini subay sa gipahayag nga mga ilhanan sa mga nakakita sa krimen.-Harold V. Pontognan/NewsLine.ph
