DAKBAYAN SA ZAMBOANGA (Enero 6) — Anak sa kandidato pagka-mayor dinhi sa dakbayan nadakpan nga naghupot ug illegal nga druga balor PHP100,000, niadtong Biernes, , Disyembre 4, alas 2:30 sa kahaponon.
Sa taho nga gipagawas sa Philippine News Agency (PNA), giila ni  Chief Insp. Helen Galvez, Police Regional Office-9 (PRO-9) information officer, ang suspetsado nga si Ashraf Kayzar Ikbala, 34, residente sa Aurora Village Subdivision, barangay Tumaga.
Si Asharap, anak ni Chief Supt. Sukarno Ikbala, usa ka retiradong pulis, ug karon nagpapiling Mayor dinhi sa Dakbayan.
Gilusad ang pagpangita kang Ashraf human migawas ang duha ka warden de aresto gikan sa Regional Trial Court (RTC) Branch 16 nga pinirmahan ni Judge Catherine Fabian.
Sumala ni Galvez, ang anak ni Ikbala, gisikop human migawas sa duha ka warden de aresto sa kasong gipasaka batok kaniya, nga may kalambigitan sa ilegal nga druga.
Sa duha ka kaso nga gi-atubang ni batan-ong Ikbala, usa niini dili puede mapyansahan, apan ang usa, puede mahatagan ug piansa nga P200,000.
Misaysay si Galvez, nga naaresto si Ikabala sa ilang pag-rekisa kaniya ug nakuhaan ug balor P100,00 nga shabu nga gisulod sa pito ka selopin.-JAP/NewsLine.phÂ
