DAKBAYAN SA DABAW — Namatngunan sa mga nag-shopping sa usa ka mall dinhi ang iladong aktres nga si Angel Locsin niadtong Biernes sa hapon, nga namalit ug mga pagkaon ug uban pang gamit alang sa mga biktima sa linog.
Sa Facebook post ni Marvin Olivares, gipakita niini nga naa sa suldo sa NCCC Mall sa Uyanguren ang actress ug namalit ug mga relief goods nga matud dalahon sa aktres sa mga biktima sa linog.
Human didto, nakit-an usab si Angel sa sulod sa buhatan sa Philippine National Red Cross sa Digos City ug mitabang sa pag-impake ug mga pagkaon ug uban pang epektos alang sa mga biktima sa linog.
Si Angel Locsin kanunay ng makita nga makig-ambit sa kasakit sa katawhan, ug sa mga biktima sa kalamidad, gani siya gidayeg sa katawhan tungod sa iyang kabuotan ug ka matinabangon.
