Angkas sa motor puede apan dunay kondisyon

Date:

Share post:

DAKBAYAN SA DABAW —- Sukad Hulyo 10, Biernes, tugotan na sa Department of Interior and Local Government (DILG) ang mga driver sa motor nga mopasakay ug laing pasahero, apan kinahanglan nagpuyo sila sa usa ra ka balay.

Sumala ni DILG Secretary Eduardo Año, ang maka-angkas lang sa motor mao ang mga tawo nga nagpuyo sa usa ka panimalay sama sa mag-asawa, live-in partner or mag-uyab nga nag-ipon.

Apan, usa ka dakong hagit sa otoridad labi na sa mga nagbantay sa control point unsaon pag-ila ug pagpamatuod nga naa sila nagpuyo sa usa ka balay o magti-ayon o live-in partner.

Sa pakighinabi sa ABS-CBN kang Toril Police station Commander Major Jason Baria, iyang gipasabot nga ginahanglan magdala ug “ID” ang sakay sa motor, ug kon pananglitan ‘live-in or mag-uyab ang nagsakay sa usa ka motor, kinahangan nila magdala og barangay certificate nga nagpamatoud nga sila nagpuyo sa usa lang ka bubong.”

Sa pamahayag ni Año, gipasabot niini, nga kinahanglan adunay plastic nga ibutang sa tunga sa duha ka sakay (barrier) ug kinahanglan nga kini lampas sa ulo sa iyang angkas ug labaw sa tanan magsout sila ug face mask ug helmet.

Ang pagbutag ug ‘barrier’ sa motor usa ka pamaagi nga malikayan ang pagtakod sa coronavirus, labi karon nga nagkataas na ang ihap sa mga pasyente nga naay covid-19

Ang molapas sa maong kondisyon kasuhan sa pagsupak sa Executive Order No. 112.

Base sa gilatid sa maong EO kinahanglan nga magsout ug face mask ug mosubay sa kondisyon sa Inter-Agency task Force on Emerging Infectious Disease (IATF-EID) ang katawhan.

Sa kondisyon nga gisaysay ni Año, wala niini gitugutan ang mga habal-habal nga mamasahero.

Usa sa mga sektor nga naapektuhan pag-ayo sa coronavirus-19, ang grupo sa habal-habal nga bisan walay pagtugot sa Land Transportation Office nagpadayon sa ilang pagbiahe ug nanerbisyo sa mga pasahero labi na sa lugar nga nihit kaayo ang pampublikong sakyanan.-Winkle Mae M. Tabuclao/Newsline

Editha Z. Caduaya
Editha Z. Caduayahttps://newsline.ph
Edith Z Caduaya studied Bachelor of Science in Development Communication at the University of Southern Mindanao. The chairperson of Mindanao Independent Press Council (MIPC) Inc.
RIZAL MEMORIAL COLLEGEspot_img

Related articles

Riding-in-tandem shot dead a civil engineer on his way to work in Davao City

DAVAO CITY  (November 20) — A 30-year-old civil engineer was shot dead while on his way to work Friday...

Elon Musk Eyes Philippines: Billionaire Reportedly Developing 1 or 2 Islands

DAVAO CITY (November 20) — The world’s richest man is reportedly making frequent, low-key visits to the...

The Shabu Never Reached the Philippines, But the Network May Have

The 521 kilos of suspected shabu seized in Laos should disturb every Filipino—not only because of the staggering...

The Shabu Never Landed, But The Investigation Has: Inside The ₱3.5-Billion Laos Drug Case

Former BARMM official appears before NBI as investigators trace the people, money, and logistics behind a 521-kilogram shipment...