DAKBAYAN SA DABAW —-GI-ARESTO sa operatiba sa Buhangin pulis ang usa ka German kay wala kini nagsout ug Face Mask samtang nagsuroy sa kadalanan ug sa dihang gisita, iya kunong gi-syagitan ang kapulisan.
Giila ang langyaw nga si Jochen Neubauer, 65 anyos, minyo ug residente sa Block 41, Lot 3, Cuidad Ezperanza, Brgy. Cabantian, Buhangin.
Sumala sa taho sa Buhangin Police, gilapas ni Neubauer ang Davao City EO No. 23, “Not Wearing a Protective Face Mask”, samtang nagbiahe kini sakay sa iyang black Kawasaki Dominar 500 CC nga dunay MV File No. 1101-702377 niadtong Abril 06, bandang alas 5:00 sa hapon atubangan sa Buhangin Public Market.
Sa report sa Buhangin PNP, nakit-an sa Motorcycle Riding Safety (MRS) unit sa Quarantine Control Point-2 (QCP-2) didto sa Tigatto Road, nga walay face masks ang langyaw, hinungdan nga gidoul kini.
Apan, imbis nga maminaw sa kapulisan, nasuko man hinoun kini ug gi-siagitan pa ang mga pulis ug nagdumili pa kini nga ipakita ang iyang lisensya ug uban pang mga legal nga dokumento kabahin sa iyang motor.
Gi-isyuhan dayon si Neubauer ug Temporary Operator’s Permit (TOP) tungod kay expire na ang iyang lisensya, wala siyay napakitang OR ug CR sa iyang motor, ug sa pagsupak sa balaud kay wala kini nagsout ug face mask.
Anaa karon ang langyaw sa Buhangin Police .
