DAKBAYAN SA DABAW— Temporaryong gipahunong sa Department of Health ang pagbakuna gamit ang AstraZeneca sa mga indibidual nga nag-edad ubos 60 anyos.
Kini ang gi-anunsyo sa Department of Health, Abril 8, human nakitaan og problema ang mga naturukan niini.
Gisunod sa DOH ang rekomendasyon sa Food And Drug Administration human nakadawat ang World Health organization og taho nga daghan ang nakasinati og talagsaong isyu sa blood-clotting o kon pagtibugol sa dugo sa ga naturukan niini.
Sa usa ka sulat pahayag, giklaro ni FDA Chief Eric Domingo nga ang temporaryong pagsuspenso wala nagpasabot nga dili epektibo ug dili safe ang AstraZeneca.
Atol sa Laging Handa Briefing, giklaro ni Domingo, “Naglikay lang ta og atong gi-proteksyonan ang katawhang Pilipino, atong hunahunaon ang benepisyo nga dalit sa pagpabakuna”.
Bisan pa man sa mga taho sa laing nasud, walay natala nga susamang kaso sa Pilipinas.
