DAKBAYAN SA DABAW (Enero 16) — Usa ka 37-anyos nga babayeng taga Marawi City ang nakuhaan ug balor P375,000 nga illegal nga druga kaganihang kaadlawon sa Task Force Davao checkpoint sa Barangay Lacson ning dakbayan.
Giila sa otoridad ang suspetsado nga si Papaladun Disamberen, nagsakay ang suspetsado sa usa ka pampasaherong van pasulod sa Davao City alas 2:45 kaganihang kadlawon .
Natiktikan sa operatiba sa Philippine Drug Enforcement Agency (PDEA) ang pagsulod ni Disamberen sa dakbayan maong ilang gi-atangan ang suspetsado sa checkpoint.
Sa dihang gi-rekisa ang bagahe sa suspetsado, nakita sa taga-PDEA usa ka gamayng silopen ug lima ka dagkung selopin sa gituohang shabu nga nagkantidad ug 375thousand pesos ang narecover kaniya.
Sumala sa PDEA 11, nalakip ang pangalan ni Desamberen sa watchlist drug personality ug big time drug trafficker sa Marawi City.-Reeya Nuñez/newsLine.ph