DAVAO CITY – Dali nga girespondihan sa mga pulis sa Buhangin Police Station 5 ang report sa usa ka concerned citizen nga adunay usa ka bag nga napasagdan duol sa usa ka kan-anan sa Carlos P. Garcia Highway nga duol sa buhangin gym, Buhangin District, Davao City bandang alas 10:48 kagahapon sa buntag, Disyembre 19, 2024.
Dihang positibo ang report mahitungod sa napasagdan nga bag, gireport sab dayon kini sa mga pulis ngadto sa mga miyembro sa City Explosive Ordnance and Canine Unit sa DCPO.
Paghiling sa mga otoridad, mga personal nga gamit sama sa sanina, plato ug mga dulaan ang sulod sa bag nga gikustodiya na sa Buhangin Police Station 5.
Nagpasalamat ang kapulisan sa paspas nga pag-report ngadto sa mga otoridad sa gidudahang bag.
Paul Trajera Palacio, a veteran news anchor got his Mass Communication Curriculum from University of Mindanao-Davao Campus.
He is the current News Anchor of Newsline Philippines.
