DAKBAYAN SA ILIGAN-– Pormal ng nanumpa ang bag-ong Mayor Sa Clarin, Misamis Occident niadtong Biernes, Oktobre 25, duha ka oras human nakumpirmang patay na ang kanhi Mayor nga si Davidson Navarro.
Nanumpa isip Mayor sa Clarin, si Bise Mayor Glorife Roa, atubangan sa usa ka huwes. aron naa nay molingkod nga mayor ug aron dili mabalda ang panggoberno sa lungsod.
Samtang ang numero unong kagawad sa lungsod, si Konsehal Mel Davison Navarro (anak sa kanhi mayor) molingkod nga bise mayor, apan wala pa kini nanumpa.
Niatong Biernies, namatay si Mayor Navarro, human gi-ambush sa wala pa mailhing mga suspeks ang sakyanan sa pulis nga iyang gisakyan, samtang paingon sila sa City Prosecutor’s Office sa Cebu City.
Mopasaka na unta ang kapulisan sa Cebu ug kasong acts of lasciviousness ug grave threat batok kang Navarro, apan wala na kini makaabot sa korte tungod sa kamatayon sa mayor.
Una niin, mireklamo ang usa ka masahista nga gibokbuk sa Mayor human kini mibalibad nga dulaan sa masahista ang iyang kinatawo.
