DAKBAYAN SA DAVAO— Gi-aprobahan na sa Kongreso sa ikatulong ug katapusang pagbasa ang House Bill 10554 kaganina. Unod sa maong balaud ang pagpalapad sa franchise area sa Davao Light and Power Company Inc.
Sa boto nga 210-11-0, gihatagan sa Kongreso og pagtugot ang Davao Light nga magmugna, mag-operate og magmintinar sa supply sa kuryente sa mga lugar nga giserbisyohan sa Nothern Davao Electric Cooperative (Nodeco/Daneco).
Unod sa maong balaud nga tugutan ang Davao Light nga moserbisyo sa Tagum, Island Garden City of Samal (Igacos), Asuncion, Kapalong, New Corella, San Isidro ug Talaingod sa Davao del Norte ug sa lungsod sa Maco, Davao de Oro.
Sa pagkaaron, ang franchise area sa Davao light kutob lang sa Davao City, Panabo City, Lungsod sa Carmen, Braulio Dujali ug Sto. Tomas sa Davao del Norte ug Maco sa n Davao de Oro.
Una niini, nagpetisyon ang kunsumidor sa Nordeco sa dili maayong serbisyo nga gihatag kanila sa Nordeco.
Nagpasalamat si Davao del Norte Governor Edwin Jubahib,sa mga membro sa Kognreso sa ilang suporta sa kawsa sa katawhan sa iyang probinsya.
