DAKBAYAN SA DABAW —Gipasar na sa ikaduhang pagbasa sa Senado ang balaud nga magtugot sa gobierno nga mamalit ug humay gikan sa onse (11) ka probinsya sa nasud nga dunay sobrang abot sa ilang mga humayan.
Gipasa sa Senado kagahapon, Oktobre 2, ang hiniusang resolution (Senate Joint Resolution) No. 8, nga magtugot sa Department of Social Services and Development ug National Food Authority , nga mamalit ug humay gikan sa mga mag-uuma, ubos sa ‘rice subsidy’ nga programa sa Pantawid Pamilyang Pilipino Program (4Ps) .
Ubos sa maong balaud, ang DSWD ug NFA mamalit ug humay gikan sa mosunod nga probinsya:
- Pangasinan
- Ilocos Norte
- Cagayan
- Isabela
- Nueva Vizcaya
- Occidental Mindoro
- Oriental Mindoro
- Nueva Ecija
- Zamboanga del Sur
- Iloilo
Kining nahisgutang probinsya ang dunay sobrang produksyon sa humay, nga puede mamaligya gawas sa ilang lugar.
Kung mapasar na sa ikatulo ug penal nga pagbasa , ipasaka kini sa Palasyo aron mapirmahan ni Presidente Rodrigo Duterte, aron mamahimo na kining balaud.
Katuyoan sa balaud, paliton nga pamaliton sa DSWD ug NFA ang humay sa nahisgutang mga probinsya gamit ang kuarta nga nabilin alang sa tuig 2019 nga gitigana sa gobierno aron ipamalit ug bugas, alang sa mga benepisyaro sa 4P’s.
Sa pagkakaron, mokabat sa P6.97-bilyon pa ang pondo nga nabilin, aron sa ‘rice subsidy;.
Ubos sa programa sa 4Ps, magdawat ug tag P600 nga rice allowance ang mga benepisyaryo,
Apan, kon mapasa na ang balaud, ang DSWD na ang mag-apud-apod sa bugas nga ilang pinalit, imbis nga kwuarta ug kini na ang mamahimong sistema hangtud mahuman ang 2019 ug mosunod nga mga tuig.-JAP/NewsLine.ph
