DAKBAYAN SA DAVAO ––Gi-awhag ni kanhi Health Secretary Esperanza Cabral nagbutyag nga siya ug pito pa ka kanhi health chiefs, usa ka education secretary, ug uban pang kanhi undersecretaries ug opisyal ang mipirma sa usa ka pamahayag nga nag-awhag sa gobyerno nga pungan ang pagtaas sa paggmit sa tabako, nicotin ug lakip na niini ang paggamit sa e-cigarettes kon vape.
Sumala ni Cabral nagkadaghan na ang migamit sa e-cigarettes kon vape ug lakip na ang mga batan-on.
Aron mapugngan ug mapanalipdan ang ang umaabot nga mga henerasyon gikan sa makadaot nga kadaot sa paggamit sa tabako ug pagkaadik sa nikotina, gi-awhag nila ang gobierno nga pungan ang nagkataas nga paggamit sa vaoe kon e-cigarretes.
Ang paggamit sa electronic cigarettes ug vape products mahimong mosangpot sa respiratory illnesses, allergy, ug negatibong epekto sa kasingkasing ug circulatory system.
“Nakita sa mga dagkong kompanya sa tabako nga nagbaha na ang pagbenta nila sa sigarilyo mao nga nangita sila og substitute para sa negosyo nila ug ang nadiskubre nila mao kining e-cigarettes. Ang nagpu-push sa paggamit sa e-cigarette mao kining mga big tobacco mga kompanya,” ingon niya.
Ang health reform advocate nga si Tony Leachon nipasidaan sa usa ka “vapedemic” sa Pilipinas, nga nag-ingon nga ang makadaot nga mga kemikal sa sigarilyo makita usab sa vape liquid ug makahatag og risgo sa panglawas sa mga batan-on ug niadtong naningkamot nga moundang sa pagpanigarilyo.
Sa pagkutlo sa usa ka pagtuon sa usa ka unibersidad sa Kentucky, si Leachon miingon nga ang paggamit sa e-cigarette nagdugang sa risgo sa pagpalambo sa mga isyu sa cardiovascular.
